久違的亞視前老闆封小平（圖），除咗組下政黨，𠵱家全力搞佢檔中國3C（主要業務係響湖南省獨家做數碼電視），對於市場久唔久就傳出亞視計劃上市，佢話冇睇過盤數，所以講唔到……簡單嚟講，就係佢𠵱家同亞視經已冇關係，nocomment。
咪睇佢老哥甚少響香港蒲頭，但一露面依然風趣，話說華華問佢幾時帶啲傳媒去湖南參觀下，佢即刻答話你唔驚禽流感就組團……成唔成行都唔係問題，個point係佢話湖南其實冇禽流感，只係雞瘟啫，中國咁耐以嚟都有雞瘟，食雞都係邊隻發瘟就劏邊隻……但華華一路寫緊稿，一路都聽到新聞話湖南政府自己承認當地爆發禽流感喎……咁華華究竟信湖南政府定封老闆好呢？