無綫台慶頒獎禮近日成為全城熱話，去年首度為無綫男、女主角獎開盤的網上博彩公司易勝博，今年再接再厲，主演《我的野蠻奶奶》的阿姐汪明荃以2.75倍成為「最佳女主角」頂頭大熱，而「最佳男主角」則由《阿旺新傳》的郭晉安佔榜首。
近日無綫台慶頒獎禮的「最佳女主角」獎競爭異常激烈，網上博彩公司易勝博亦為最佳男、女主角獎開出盤口，在「最佳女主角」賠率方面，昨日甫開盤便是《我的野蠻奶奶》的汪明荃以3.5倍最熱，至昨晚八時三十分，賠率已熱至2.75倍，而同劇的胡杏兒和《酒店風雲》的郭可盈則齊齊以4.5倍成為次熱（詳見附表）。
阿姐冷靜
「千祈唔好沉迷賭博」
與此同時，郭可盈又憑《心花放》一劇，與《胭脂水粉》的黎姿和《御用閒人》的鄧萃雯齊齊以7倍並列第四位，《老婆大人》的宣萱以8倍排第七，而《奪命真夫》的蘇玉華、《阿旺新傳》的宣萱和《人間蒸發》的吳美珩則以11倍打入十大。
至於「最佳男主角」獎方面，雖然陳豪被外界視為熱門人選，但網上博彩賠率方面則由《阿旺新傳》的郭晉安以3.5倍成為頂頭大熱，而苗僑偉除了憑《人間蒸發》以5倍成為次熱外，他亦憑《學警雄心》的角色與《秀才遇著兵》的陳豪、《奪命真夫》的林保怡和《酒店風雲》的馬德鐘同樣以6倍排名第三。
記者昨日致電阿姐，問她對成為最高賠率女主角有何看法時，阿姐笑說：「呢個世界真係乜都可以賭一餐，不過我覺得呢啲嘢都係玩吓好啦，千祈唔好沉迷賭博呀！」
安仔興奮
「我好多謝大家睇好」
而身在無錫拍攝內地劇《夜光杯》的郭晉安，昨晚透過長途電話說：「我喺內地拍緊劇，唔知呢件事，都係靠你哋報料畀我聽，聽到就梗係好開心、好興奮，我知道今年公司唔使藝員表演，係搞隆重嘅頒獎儀式，攞到獎會係好光榮嘅時刻，我都好多謝大家睇好。」問他有多少把握奪獎？安仔說：「幾多成就真係唔敢講，都有信心，但唔會有壓力。我有睇阿苗做《學警雄心》，佢係大師兄，做得好好，陳豪都好努力，所以邊個攞都咁開心。」
據知安仔早前已跟無綫續約超過兩年，問他會否擔心因而惹來換獎閒言？安仔說：「兩樣嘢嚟嘅，成績係睇觀眾反應嘅。」
另一方面，以7倍賠率打入十大的吳卓羲，昨與廖碧兒和楊怡現身西九龍直升機場公開活動，他表示睇好阿姐和郭晉安分奪男、女主角獎，而廖碧兒則笑言支持緋聞男友陳豪。
以約換獎
苗僑偉大歎失機會
苗僑偉昨日到新城電台接受訪問時，指郭晉安和陳豪最有機會得獎，又笑言汪明荃在《我的野蠻奶奶》中角色突出，奪「飛躍進步」獎十分有噱頭。對於有傳黎姿去年與無綫簽經理人合約換獎，苗僑偉說：「如果喺嗰段時間需要一個經理人，可以畀獎我又有個經理人，相得益彰啦！咁換經理人無可厚非。呢個係無綫自己嘅遊戲，唔可以話大家交換條件，佢哋保障自己旗下經理人合約嘅藝人都好啱，起碼入咗佢門，先可以分身家畀你㗎！」問苗僑偉可會考慮簽約無綫時，他說：「我𠵱家係簽部頭，之前無綫都搵我傾過，但冇講有得當選男主角呢個獎，真係醒唔起，如果知道真係分分鐘傾得成。」
採訪：王連連、藍文浩
攝影：林德雄
