新車速報：豐田Ractis1.5G擔擔抬抬型仔咕喱

上一代豐田EchoVerso擔得抬得，就連一向獨大的歐洲本土小車市埸，EchoVerso都佔着重要席位；新一代車系易名為Ractis，仍是載客和運貨能手，線條卻截然不同，變得硬朗，兼有巨型天幕式玻璃車頂，加埋兩排多變的座椅組合，成為最型仔嘅「咕喱」。

記者、攝影：陳偉林
ImageGirl：Nicole(TheGroup)

普羅汽車用家的口味，唔再局限於一般四門三廂式轎車，所以Ractis擁有媲美天幕式玻璃車頂，單係這個賣點已經教一眾同級1.5公升家庭或RV車突出，加埋全新Ractis擁有標致又硬朗的造型，無論身高同闊度均較舊款有過之而無不及，既出眾又實用，自然好有瞄頭。

■全新透光表板設計，既悅目，資料又豐富。

■個子看似高大的豐田Ractis，卻擁有一副低重心車架結構，行車穩妥又安全。

1.5公升引擎慳油好力

雖然Ractis只用上一台1.5公升直4引擎，惟內附有VVT-i設計，引擎低、中轉扭力好突出，加埋一套7前速ActiveSuperCVT-i自動波箱，備有CVTSport電子模式選擇，轉檔順滑利落，起跑加速反應變得更敏捷；再者，Ractis的軚環兩旁重另備有+/-轉檔推桿，只要預先將波檔切入手動模式，就可利用拇指轉檔。Ractis的低重心車架結構，操控平穩，安全裝備有ABS、EBD等，感覺更加可靠。

■後排座椅左右獨立收摺操作容易，較上一代更出眾。

■渾然一體的中控台，有齊冷氣又預留有音響座，有觸手可及的方便。

多變座席配搭有賣點

新版Ractis換上兩排高級透氣絲絨椅，坐得貼服又富承托力，後排一對獨立座椅重可以整張收摺放平，令尾廂空間倍增，又可將座椅放平成卧鋪，可置身其中欣賞夜空中的星光。再者，前後座艙重有音響座、獨立房燈、雜物匣、杯架等，真係好吸引呢。

■高聚焦大燈，活現出一份活潑吸引力。

■指揮燈門邊電鏡，醒目又易見。

■車廂陳設盡見豪邁貴氣，品味夠簡約。

■豐田Ractis擁有幾近天幕式玻璃車頂配襯，開揚景觀教人心曠神怡。

■表板旁備有門邊電鏡及大燈角度調校，重有卡片匣組合。

■後排及中央坐墊可翻出雙杯座及雜物匣。

豐田Ractis1.5G規格

引擎：1,496cc直4DOHC
馬力：110ps/6,000rpm
扭力：14.4kgm/4,400rpm
傳動：7前速ActiveSuperCVT-i自動波，前輪驅動
懸掛：（前）柱式獨立（後）扭力連桿
制動：（前）透氣碟（後）鼓式（ABS）
輪胎：175/60R16DunlopSPSport2030
尺碼：3,955X1,695X1,640mm
軸距：2,550mm；車重：1140kg
平均耗油：18.0km/L(日本10.15模式)
新車售價：$153,225
車輛提供：富利堡汽車（28776700）

■多邊形的尾燈編排，間隔分明。