林憶蓮一連四場演唱會前晚終圓滿結束。男友陳輝虹繼續在場坐鎮，他除了大讚憶蓮表現值四百分外，還大爆對方受愛女被偷拍一事影響，綵排期間曾停下來表示不想唱。
前晚《林憶蓮夜色無邊演唱會》在紅館演出最後一場，憶蓮見在場支持她的歌迷反應熱烈，感動得兩度落淚。其間，憶蓮邀請契爺胡楓上台一同表演跳舞，胡楓笑說：「我咁樣上嚟有冇錢收㗎？」憶蓮大笑道：「你問導演啦！」
四度「安哥」
憶蓮是夜兩度「安哥」後，觀眾仍大聲吶喊，憶蓮隨即上台，多次向歌迷鞠躬，然後再唱幾首歌便告完場，不過歌迷們仍再大叫「安哥」，數分鐘後，憶蓮再出場獻唱五首歌才走，可是之後歌迷一樣大叫「安哥」，待見樂隊人員紛紛收拾東西，他們才肯離開。
雖然憶蓮在第一場時忘詞甩拍子，但之後都能回復演出水準，男友陳輝虹更一連四晚都現身紅館為憶蓮打氣。前晚陳輝虹在開騷前接受訪問，大讚憶蓮說：「我畀佢四百分，每場一百分，加埋咪係囉！」至於憶蓮首場失準，他就說：「係特登設計嘅，佢過往太無懈可擊，你哋咪冇話題冇嘢寫囉。」
女兒愛Soler
提到憶蓮女兒被雜誌偷拍一事，陳輝虹說：「佢（憶蓮）梗係有不滿，幾影響佢頭兩晚嘅演出，第一日綵排時重突然停咗話唔做，搞到導演好緊張。藝人要面對傳媒好正常，但嗰個係小朋友嚟咋！」
在慶功宴上，憶蓮就解釋：「我嗰日聲沙又唔夠瞓，都係唞咗十五分鐘。」她又謂未有受愛女遭偷拍一事影響心情，還稱女兒亦有來看騷，女兒更表示很喜歡舞蹈員及組合Soler的演出呢。
採訪：李珮洳 攝影：葉君海
