古巨基前晚以一身銀河獵人造型拍攝新歌《明星》MV，並特別訂製一個機械手臂來配合新歌，後來拍一場吊威吔戲時，基仔為怕下身激凸，故意將威吔穿在睡褲內，還笑說：「凸暗瘡就有，激凸就冇。」
古巨基前晚在西貢拍攝新歌《明星》MV，該曲是香港亞洲遊戲展暨數碼娛樂展的主題曲，故基仔特別訂做了一個機械手臂來配合。當晚基仔以銀河獵人造型出現，他對服飾感到相當滿意，不停舉起手扮發射，猶如大細路般，導演安排他與女主角背對背擺出有型姿勢，基仔說：「呢嚿機械手真係好有型，我一見到就愛不釋手，成晚戴住，不停舉起都幾攰㗎，不過最緊要係配合到主題同有型嘛！」
「凸咗粒暗瘡」
後來有一幕講述基仔在睡夢中忽然升起，進入了另一時空，基仔須穿上睡衣躺卧在床上，再被威吔吊起，他說：「吊威吔都唔算乜，重有一場爆玻璃嘅鏡頭，我諗安全嘅。」問基仔穿睡衣吊威吔，怕不怕下身激凸？基仔一臉愕然的說：「唔會啩？」後來基仔害羞得返回化妝間穿上威吔，還故意將威吔穿在睡褲內以防激凸，基仔笑說：「今日凸咗粒暗瘡呀，激凸就冇喇，哈哈。」
拍罷該鏡頭後，基仔回看自己被吊起的畫面，他笑說：「似唔似大衞高柏飛變魔術？我係俾人變嗰個呀！」
採訪、攝影：張俊銘
