自由民主，是人天生應有的權利。二○○四年七月一日出生的言信，今年七月一日還在襁褓時，便與母親酈珊上街。現在小言信已會走路了，母親表示下月四日會帶言信再次上街，「我唔知幾時先見到普選，但希望個女大個時，可以投票普選特首。」
雖然，小言信年僅十六個月大，相信還不知道民主是甚麼，但酈珊說，為下一代爭取民主是應有之責。
她表示：「普選對香港太重要嘞。雖然經濟好咗，但唔係北京畀粒糖你，就放棄爭取民主，因為普選係涉及成個社會嘅事。」
港府聲稱政改方案獲北京接受，一旦否決對民主發展有害無利，酈信卻認為未必：「中央點睇件事仍然好模糊，領導人無講過香港唔可以普選，最少講明幾時有（普選）。遲啲都唔緊要，可以一步一步去做，我唔知見唔見到普選，希望個女大個時，可以投票普選特首。」
「市民應自己選特首」
小言信媽媽說，港府提出的區議會方案不民主，因為區議員認受性低，「唔知佢哋做過乜，又唔了解佢哋政治背景，代表唔到一般市民。」
對於擴大選委會的建議，她直指小圈子選舉本質不變，「仍然好間接，就算（選委會）加多二千人又點？都係傀儡，只係小圈子選舉，市民應該可以自己投票選特首。」
望政府拎第二個方案
酈珊表示完全不接受現時方案，希望有更多市民上街表態。她又說民主派立法會議員反對方案，是別無選擇的做法，若港府有誠意讓香港邁向民主，應運用政治智慧解決目前困局。
酈珊又說：「𠵱家個（區議會）方案真係唔可以接受，（市民）對普選嘅要求已經退無可退。希望政府拎第二個出嚟，我唔想（政制）原地踏步。」
記者：羅偉光