有無諗過，競投「與李察布蘭信爵士約會——雙人七天尼克群島之旅」呢？滙豐最近搞咗個慈善晚宴，為博思會（幫助學障和專注力失調的兒童）籌得超過600萬元經費，其中拍賣價最高的物品，就係呢一件——由RichardBranson親自教你玩風箏滑浪嘅trip，真係夠晒酷。
除布蘭信個trip，其他拍賣品都好吸引，有啲重係有錢都未必買得到的，例如明年奧斯卡頒獎典禮後之派對入場券、拉圖堡Latour私人美酒之旅、Versace米蘭時裝展首行貴賓席門券兩張及兩套06年秋冬季特選時裝等。當晚共籌得600萬港元。
據聞，滙豐控股主席龐約翰（JohnBond）同博思會主席張非非好熟絡，所以龐大班唔單止換上煲呔親自出席晚宴，重帶埋屋企人去，而一家四口的珍貴合照亦因而曝光。上圖右起為龐約翰伉儷、兒子Jonathan及女兒Lucy，Jonathan嘅輪廓是否好似其父呢？
滙豐總裁兼行政總裁邵銘高亦同埋太太（圖二左）一齊嚟，聽講佢太太係來自南歐的希臘人；至於右手邊性感靚女，就係滙豐私人銀行亞洲行政總裁王以智。