自稱全港最大嘅建築設計公司凱達環球（Aedas），諗咗個創意規劃，構思發展一條一千七百米長嘅環迴通道，圍繞中環核心區，令交通暢通無阻，成為全世界獨一無二嘅城市中心。 佢哋禮拜四會喺中環麗嘉酒店向記者詳細講解，蘭西見張邀請卡好特別，用條金鏈圍住中環多個地標，包括全港最高商廈國金中心、闊太至愛嘅置地廣場、洋人同型人蒲點蘭桂坊、同萬眾期待被勾出拍賣嘅中央街市等。