黃貫中（Paul）前晚舉行一場小型搖滾音樂會，其間唱了一曲《Lady》，他否認這首歌是獻給到來捧場的女友朱茵，阿Paul繼而骨痹地說：「如果唱畀女朋友就唱《Baby》啦！」
黃貫中前晚在九龍灣展貿中心出席商台「狂迷音樂會——黃貫中」，女友朱茵、陳奕迅、梁漢文和吳雨霏（Kary）等都往捧場，恭碩良則是其中一位結他手。朱茵以沒有化妝和不欲搶男友風頭為由，不停迴避，拒絕拍照。前晚有接近五百名歌迷入場觀看，全場企位，氣氛熾熱，歌迷不時揮手及高舉和平手勢。
阿Paul大唱搖滾歌曲，唱至汗流浹背，其後索性脫掉外套，內裏的白色背心都被汗水濕透。阿Paul在台上說：「我冇朋友，我都為咗諗主題好苦惱，希望大家唔好介意，只係好好享受個音樂。」
記者追問阿Paul為何在台上說自己沒有朋友，他解釋說：「我講笑啫，我之前為個騷嘅主題苦惱過，我問朋友嘅意見，大家都唔統一，咁不如搖滾樂為主，呢個已經係主題，希望大家嚟欣賞音樂。」
唔怕骨痹
對於女友朱茵迴避鏡頭，阿Paul說：「佢係為我好，唔想搶風頭，佢又冇化妝。」阿Paul前晚唱了一曲《Lady》，是否唱給朱茵聽？他說：「唔係，如果唱畀女朋友就唱《Baby》啦！」記者取笑阿Paul的說話十分骨痹時，他即說：「咁你哋又問，又鍾意，又要人哋講。」
採訪：胡比 攝影：林德雄
