如果出少少力兼少少錢，就可以幫到人，真係何樂而不為？民協中人就深明此道理，至少有三十五個民協成員，已經報名組隊，參加出年二月十二日舉行嘅渣打馬拉松，為一個慈善機構籌款。
以佢哋每人要籌二千五百蚊嚟計，即係佢哋一共可以籌到成八萬七千五百蚊，數目都唔算少，出呢一身汗應該都係值得嘅。
當然，跑馬拉松一定要有好好體能先頂得順啦，所以KK（馮檢基）都要努力keepfit，特登每星期二走去伊館玩kickboxing，噚朝大清早，重請常委莫應帆教大家拉吓筋，練吓氣，一共有三十七人參加，阿基都好滿意。
八方聽聞，嫻姐見阿基keep得咁好，都好有興趣學kickboxing，重問佢喺邊度學，想去埋一份喎。
傳真︰2623-9278
電郵︰[email protected]