和黃集團一年一度的運動同樂日昨日舉行，大約有1萬2千名和黃集團員工同埋家屬參加，當然唔少得主角──超人李嘉誠。和黃業務遍及全球，不少員工專程喺遠道來港，當中包括英國、意大利、以色列、加拿大、澳洲及印度等地員工，真係大手筆，唔知佢哋係咪住晒喺海逸啲酒店呢。
集團主席李嘉誠主持開幕禮時透露，和黃業務範圍現時已由去年42個國家擴展至52個國家，員工人數則由17萬增至22萬人，在短短1年間有咁嘅增長，足以令集團每個人感到自豪。
各瓣員工唔同色
華華現場所見，各瓣員工着唔同色衫，好熱鬧，超人就梗係紅色啦。問及集團全體員工今年是否全部有人工加？加幅是否與通脹看齊？超人則笑謂，自己無加人工，個別同事則看表現，部份會加多些，總之大原則係整體同事有得加。一年一度嘅運動會，因為在年尾舉行，記者都會問呢個問題，員工呢，梗係想超人老闆有個好答案啦。
李華華