徐子淇（Cathy）與LisaS.等昨日在灣仔會展行婚紗騷，現場所見，Cathy明顯消瘦不少，行騷時更出現離罩情形，她說：「因為自己肺炎，係帶病上陣，我咁樣暴瘦，醫生笑我如果係禽流感已經死咗。」
中藥補身
問到其男友李家誠有否擔心？Cathy說：「身邊好多人都擔心，媽咪已經煲咗中藥畀我補身。」提到有否結婚計劃時，她表示會順其自然：「因為十四歲已經着婚紗，八年已經着咗二百套婚紗，已經冇晒興奮感覺，第時我結婚反而想着婚紗騎白馬，赤腳行沙灘，最好就分開朋友同親戚兩日搞。」
此外，LisaS.對於男友吳彥祖被台灣網友選為「最想跟他一夜情的藝人」說：「我每一日都擁有佢，我知道自己好幸運，大家都咁忙，根本未有時間諗結婚，結婚係一件需要好多時間籌備嘅事。」
採訪：顏英儀 攝影：陳偉權