職工盟噚晚喺添馬艦舉行慶祝成立十五周年盆菜宴，一共開咗一百三十圍，都算破紀錄，秘書長李卓人話，相信今次係最後一次喺度擺大食會，因為煲呔已經決定塊地會用嚟起政府總部，將來大家會嚟集會同請願，主席阿石就話，希望商界多啲通過談判同勞工界解決問題，造福所有打工仔。噚晚肥龍百忙中都有去點睛，重逗留咗半粒鐘，勞工處長張建宗當然係座上客，另外，行會新貴張炳良、立會議員馬丁同華叔都有嚟捧場。
阿人笑話，十二月職工盟個個禮拜都有遊行，只係聖誕可以放假，第一場梗係12.4民主遊行啦！
傳真︰2623-9278
電郵︰[email protected]