年輕人係社會未來嘅主人翁，但點樣先可以成為傑出嘅領袖呢？香港總商會總裁翁以登噚日出席「飛躍香港未來」計劃活動，即場向二百幾位中學生及大學生教路，佢重暗踩前任行政長官董建華唔係一位好領袖㖭。
翁以登話，做領袖唔多唔少一定會受到其他人挑戰，所以做領袖好難避免到唔得罪人，最重要係要知道幾時做決定，幾時要妥協。佢話喎，如果成日怕得罪人，樣樣事都話要和諧、要協調，咁就會出現大家都聽過嘅所謂「議而不決」嘞。
做到領袖當然好啦，但年輕人都唔好太過緊張。翁以登提醒年輕人，要趁後生多啲享受生活，擴闊視野，唔好十七歲同二十一歲都時時刻刻想住要做領袖，如果唔係就好辛苦嘞。
傳真︰2623-9278
電郵︰[email protected]