鍾楚紅、張燊悅和羅慧娟等前晚在中環出席美容活動，張燊悅憶述十二歲時曾跟紅姑影合照，前晚她甫見紅姑即變小影迷要求合照。張燊悅影完相依然興奮，但怕瘀不敢向紅姑索簽名。
鍾楚紅和張燊悅等前晚在中環出席瑞士護膚品牌Bellefontaine宣傳活動，羅慧娟和鄧梓峰擔任司儀，前藝人簡佩筠原來是該品牌亞洲總代理的行政總裁。
紅姑由著名化妝師Zing介紹用過該品牌護膚品，所以答應出席活動擔任揭幕嘉賓，不過她只逗留了約四十分鐘，沒有接受訪問即離開，沒有出席晚宴。
攞簽名怕瘀
紅姑甫到場大受歡迎，張燊悅表現雀躍地跟紅姑合照，張燊悅說：「我十二歲同佢影過合照，當時喺一個會所裏邊。佢風采依然，好shine，佢係一個好值得尊敬嘅藝人。」十七年後再與紅姑合照，張燊悅心情依然興奮，她說：「我本來想問佢重記唔記得我，不過唔敢問，我又好想拎張相嚟畀佢簽名，但又怕俾人笑，所以都冇拎嚟。」
問張燊悅是否因為怕被紅姑搶鏡，收起性感，張燊悅說：「紅姑嘅性感係自然散發出嚟，唔使好刻意，我嘅打扮就要睇場合，我同紅姑梗係冇得比。」張燊悅又表示最欣賞紅姑與鍾鎮濤和陳友主演的電影《一妻兩夫》。
採訪：HoWingNing 攝影：ChanChiLam
