小小超檔電盈同網通結盟，除咗有利旗下各瓣業務勇闖神州，勢估唔到重可以成為佢地響唔同範疇奪獎的籌碼！話說剛剛完成重組個PCCWGlobal，新鮮熱辣響GartnerDataQuest「2005年度亞太區國際電訊服務的用戶調查報告」中，於400間跨國企業中突圍而出，被選為「最佳國際專線」同埋「最佳國際幀中計」服務商。
Gartner話，8號仔贏除咗因為佢響可靠程度、運作表現、價格等方面領先同儕，更重要係佢地同內地電訊商建立長久合作關係，又在發展中國家有強大支援隊伍，可以為客戶提供到更可靠同物有所值的服務云云，所以深得網絡經理歡心！華華記得，小小超間唔時都會宴請下啲得獎業務單位以作鼓勵，雖然今次唔係話咩大獎，但唔知PCCWGlobal班同事有無得擦番餐呢？