房屋及規劃地政局常秘CM梁展文昨日同鄭明訓及蘇慶和一齊宣布領匯上市，喺記者會上，被問到領匯重新上市的感受時，佢耍手擰頭咁話，呢個場合唔適合講個人感受，但就會留番同內部分享箇中經驗；不過佢好識做，喺一眾傳媒鏡頭面前，佢都冇忘記讚許房委同領匯班手足日以繼夜、披星戴月嘅辛勤工作。咁佢自己呢？當然亦都好忙啦，有知情人士就話，CM今年嘅態度同做事方式，同去年好唔同。點唔同？咁就要大家領會領會了。
講番領匯重新上市，今次雖然冇乜大規模宣傳，乜都盡量用去年用開嘅，政府仍然要用多成億元使費，即係連同舊年8億銀計埋，成個領匯嘅上市費用夾埋要成9億，如果又要延遲多一年先上市，上市使費咪成10億元？