方力申昨日在山頂為「漢華中學步行籌款」擔任主禮嘉賓，甫到場即引來不少女學生要求合照，對此方力申說：「俾女仔圍又好，俾男仔圍又好，唔好俾人圍毆就得喇。」
盼造福貧童
方力申謂以前曾游水籌款，他說：「我讀中學時試過游水五公里籌款，嗰時都籌到成六千蚊嘅。」
方力申表示希望能成立基金，為內地小朋友籌募教育經費，他說：「我都好想效法Kelly（陳慧琳）咁成立基金幫人，因為內地有好多小朋友冇經濟能力讀書。」此外，方力申對於被拍得與Cookies的Stephy看林憶蓮演唱會，見記者拍照時即鬆人，他說：「嗰陣我只係去同憶蓮打聲招呼，之後就等車接我走，根本唔係約埋一齊，之後車嚟我就走喇。」
採訪、攝影：王崇穎