何超儀、任賢齊和吳鎮宇等人，昨日到澳門出席由杜琪峯執導的電影《放．逐》的開鏡儀式。據知該片暫時仍未有劇本，不過一眾演員都表示對導演有信心，在片中扮孕婦的超儀則表示會考慮生BB。
何超儀、張家輝、黃秋生、任賢齊和吳鎮宇等人會參與電影《放．逐》的演出，一眾演員昨日到澳門出席開鏡儀式。
感到母愛偉大
據知戲中超儀會與張家輝飾演一對夫婦，故她昨日以孕婦造型示人，問超儀何時才會考慮生BB時，她說：「上次我拍《蝴蝶》時同小朋友合作之後都驚咗，有時我見到徐濠縈湊ＢＢ都感受到母愛嘅偉大，我都有同朋友講笑話不如約埋○七年一齊生。」
飛紙仔照攞獎
由於此片仍未有劇本，故一眾演員仍未知自己的角色，問鏟了一個新髮型的秋生對於未有劇本是否感到擔心，他說：「我都未知自己做乜，但係我憑感覺feel到個造型係點，所以就剪咗呢個髮型。我信得過阿杜，雖然飛紙仔唔係個個都拍到，但係王家衞啲戲飛紙仔都有獎啦。」身為導演的杜琪峯對於未有劇本一事只說：「我都唔知呀，天知。」
此外，日前黃秋生曾與吳君如一同出席活動，問到他知不知道對方有身孕時，秋生說：「佢份人成日都整古做怪，都唔知佢真定假，不過真係有咗都唔關我事啦，個肚又唔係我嘅。」
記者張俊銘澳門直擊
