粵劇名伶白雪仙復出任監督，並搵嚟徒弟「雛鳳鳴」劇團主演《西樓錯夢》，噚晚喺香港文化中心大劇院舉行一場港大籌款義演，門券收入全部撥捐香港大學教研發展基金。劇寶當前，自然吸引唔少忠實戲迷同城中名人捧場，包括律政司前司長梁愛詩、立會主席范太、機管局主席馮國經、廣播處前處長張敏儀等等。
港大原先公布，《西樓錯夢》為佢哋籌得五百七十萬捐款，到咗臨開場嘅一剎那，港大校長徐立之笑口噬噬咁同八方講，最新捐款數字係八百萬，推高捐款嘅善長仁翁就係近排答應有條件捐五億畀港大嘅賭王何鴻燊。
傳真︰2623-9278
電郵︰[email protected]