杜琪峯多年前已經想拍一部揭露黑社會真實一面的電影，但因情節太豐富，故要分上下兩集來拍。《黑社會》上映後，明年三月才會上映下集《以和為貴》，而明年底阿杜會再構思拍另一部以九龍城寨為故事背景的黑幫片《龍城殲霸》。
阿杜拍黑幫片注重寫實一面，他說：「《黑社會》部戲有咁好反應我好開心，上集其實我只係交代黑社會嘅背景，下集先會真正講裏面嘅情況同態度，每個人物要為自己所做嘅事承擔後果。當年我籌拍呢部戲，係因為接近九七回歸時，中國公安局前局長陶四駒話黑社會都有愛國分子先引發我拍呢部戲。當九七回歸後，一切都要交接，就算黑社會亦一樣要招安，既然外界一直認為黑社會係咁神秘同敏感，所以我想以另一個角度揭開黑幫嘅面紗。」