對梁榮忠而言，煲一定是用來箍的，但對我們來說，秋冬的煲最直接是用來煮煲仔飯。別以為煲仔飯的方程式一定是炭爐＋瓦煲，其實也可以是電＋紫砂煲或焗爐＋瓦煲，總之煮出香氣四溢的煲仔飯就可以，不過講騎呢，當然首選玫瑰花煲啦！
記者：馬靜兒 攝影：楊錦文、何家亮
Models：KennyPoon&Yannie
1.花茶煲飯開蓋即噴香
門口一列熱氣騰騰的煲仔飯，每年都會推出新花款，今年就有新款麵豉醬乳鴿，甫開蓋已聞得麵豉香，不過更多人鍾意花茶煲仔飯。煲仔飯的豉油以葱、西芹、甘笋、芫荽煮成，再加冰糖、胡椒粉、麻油、生抽等熬成，好講究。
花茶鮑貝大雜煲仔飯$58
以花茶代水煮飯，粒粒飯都有花香味，飯面更有粒粒玫瑰花。
麵豉醬乳鴿煲仔飯$55
以麵豉醬預先醃乳鴿一小時才煮，味道滲入鴿肉。
荔茸肉碎煲仔飯$42
肉碎包括冬菇和豬肉，芋（荔茸）香四溢。
新翠華茶餐廳（28034801）
地址：銅鑼灣登龍街12號地下
2.焗爐煲飯10分鐘食得
永合成門口沒有煤氣爐或炭爐煮煲仔飯，因老闆許先生會先以滾水洗米，再放在煤氣爐上煮至滾起，放入焗爐焗煲仔飯。「客人坐低飲杯茶，等十分鐘就有得食。因為直接受火嘅時間較短，所以無飯焦，唔會熱氣。」賣的都是較傳統的款式，卻甚得客人歡迎。
芽菜燒肉煲$29
燒肉肥瘦相間，芽菜焗至半生熟，爽口不會太軟腍。
窩蛋牛肉飯$29
將蛋撈勻，蛋汁包住每顆飯粒，加上軟滑牛肉，肉香、蛋香四溢。
永合成餐廳（28505723）
地址：上環蘇杭街113-115號地下
3.紫砂煲消脂唔怕油
當坊間用瓦煲煮煲仔飯，富來卻用電的紫砂煲煮飯。負責人梁先生說：「紫砂煲唔單止透氣，又唔透水，更加可以將水內嘅雜質抽出，分解食物內嘅脂肪，即使食最傳統嘅排骨飯都唔覺肥膩。」侍應以藤籃盛載紫砂煲上枱，記得加點自家製的鮑汁醬油。深水埗區$58一個煲仔飯不算平，但坐的是雞翅木做的枱櫈，連每枱的茶壺都是至少八百多元的紫砂壺，值回票價。
臘肉銀魚乾煲仔飯$58
雖然是臘肉，但一點也沒有油淋淋的感覺。
金菇燒汁肥牛煲仔飯$58
肥牛軟滑，沒有半點渣。
豆豉排骨煲仔飯$48
摒棄一般煲仔飯的急凍貨，選用新鮮排骨，不油不韌。
富來紫砂飯店（31062528）
地址：深水埗荔枝角道203-205號景輝閣地下
4.廿年老店堅持燒炭
賣煲仔飯賣足二十年的興記創出以糯米做煲仔飯，連遊客都知碇。飯粒咬落煙韌，粒粒透出濃濃飯香，加上每年都推出數個新款餸，結果由一間開到四間。十多個煲仔放在火紅的炭爐上滾，一個又一個，滾至底層焦香，面層飄出飯香。
黃鱔煲仔飯$30
鱔肉入口豐腴，連飯焦吃特別好味。
薑葱龍脷扣煲仔飯$30
扣，即魚的胃，呈半捲小塊狀，爽口，有薑葱的香味，加煲仔豉油吃味道很配合。
興記菜館（23843647）
地址：油麻地廟街15,19,21號
