嘩！好大個瓜呀！你估吓呢班細路捧着的是甚麼瓜？冬瓜？唔係，係節瓜呀！一般節瓜大概半斤至一斤重，但呢個就有17斤！我曾經寫過話響學校種啲瓜菜，比我自己塊田種的還要大得多，慧慧鬧我連相都冇，所以今日就畀你哋睇嘞！其實，除咗呢個最大之外，重有個13斤重！
當日下種子，過咗成半年，都只係見到啲葉愈來愈大，老師們都以為種唔成，叫學生不如拔咗去掉，點知搵搵吓，有大發現，直到搵咗出嚟至知大成咁，分畀學生食都幾乎食唔晒。慧慧話睇見呢啲瓜諗起自由可貴：「啲瓜可以咁大，係因為昆蟲唔知碇，冇去騷擾塊田，可以自由生長，就似一個人無拘無束自由自在，心情靚人都靚啲啦！」我又對慧慧多了一點認識。 （四十二）
阿花