賭王何鴻燊噚日到港大校長徐立之嘅校長府第，出席佢捐五億元畀港大嘅儀式。佢三九至四一年喺港大讀書，日軍侵港後被迫停學。返到母校，賭王大話當年，自爆當時窮到燶，有女仔約佢都要借尿遁，賭王後來娶成四位老婆，唔通係要補番之前嘅損失？
港大噚日展示賭王喺港大讀書時嘅相片，佢生得儀表非凡，出席者都大讚靚仔，但賭王話，「嗰陣時啲人話你咁靚仔，應有好多女朋友，但我真係半個都冇，咁窮邊敢去識女仔呢？」佢重話有時要狠心請女仔食檸檬。可能冇錢追女仔，所以佢話讀書好專心，經常考第一，今日嘅成就都係多得港大喎。
傳真︰2623-9278
電郵︰[email protected]