郭可盈與汪明荃近日為爭無綫台慶頒發的最佳女主角獎而鬧出連串是非，連黎姿亦被牽扯入內，鬧得滿城風雨。不過三人昨日在無綫電視城又攬又錫，老友得如金蘭姊妹，阿姐表示是非不關可盈的事；可盈則謂她着緊友情多於獎項；黎姿則說：「路過都仆親就好唔抵。」
過百藝員昨日在無綫將軍澳電視廣播城出席《2006年無綫電視節目巡禮》，三位鬧出爭獎風波的花旦郭可盈、汪明荃（阿姐）及黎姿頓成焦點，黎姿首先表示不介意與可盈合照，二人見面互攬腰肢，不停寒暄咬耳仔，拍完照還拖手返回化妝間。後來二人又應要求與阿姐合照，可盈先走近並主動對阿姐又攬又錫，最後可盈與黎姿一同向阿姐獻吻，氣氛融洽。
樂易玲睇報紙興奮
對於女主角獎風波，無綫高層樂易玲昨率先接受訪問，問她是否為頒獎給誰而頭痛，她說：「大家玩吓先，我睇報紙唔知睇得幾興奮！」問她會否平息花旦的紛爭？樂易玲說：「使乜平息，競爭激烈先好。」問她會否個別談話，樂易玲說：「冇傾過，亦冇必要。」樂易玲又讚可盈及阿姐表現突出，其後又補充黎姿也很好，三人是花旦的鐵三角。
黎姿合照前接受訪問，她說：「我唔想多是非，台慶後我想放長假。」其後又突然歎氣說：「好攰呀，路過都仆親就唔抵啦，仆損咗就更加唔抵。」
堅稱時差上的誤會
可盈則揚言不重視獎項，對友情較着緊，她說：「我哋三個一齊綵排都冇事，大家係好朋友，件事之後，我哋嘅感情更加好。」可盈謂其經理人指黎姿之前沒有致電給她一事，只是時差上的誤會，她與黎姿昨早也有通電，她說：「大家唔使擔心，我哋嘅友情只會更進一步，我都唔想GiGi（黎姿）受冤屈。」對於得獎，她則說：「信心不嬲都有，獎就得一個，努力嘅人有好多，我希望唔好傷到友誼。」
對於星輝大獎似被嫌棄，阿姐說：「我咪攞埋囉，我覺得應該做多幾年先合乎攞星輝大獎嘅資格，呢個獎唔係易攞㗎。」近日是非多多，阿姐說：「可盈都冇嘢，唔關可盈事嘅。」而近日和朱慧敏在車廂中親熱的梁榮忠，昨日亦有在電視城出現。
此外，吳美珩昨日到新城接受馬德鐘主持的電台訪問，對近日汪明荃、郭可盈與黎姿因無綫台慶頒發的女主角獎而引起不少是非，同樣有份角逐女主角獎的吳美珩對此表示：「其實大家唔好隨便為一句說話而唔開心，大家都有為拍過嘅劇付出過努力，觀眾係會睇得到嘅。」
採訪：卓美娟、王崇穎
攝影：林德雄、葉君海
