鄭嘉穎和周麗淇昨日以羅浮宮婚紗代言人身份在灣仔會展行騷，周麗淇甫出場即不小心踩裙險仆倒，鄭嘉穎即上前扶她，記者指模特兒出身的周麗淇竟不及鄭嘉穎演出自然。鄭嘉穎謙虛地說：「咁女仔着裙同着高跟鞋係麻煩啲嘅。」結婚對象要有甚麼條件？鄭嘉穎說：「要四餸一湯同唔好食煙，因為我好想食住家飯。」
「好少入廚房」
周麗淇指自己昨日十分蝦碌，到真正結婚時必定醜態百出，記者告訴她鄭嘉穎的結婚對象是「四餸一湯」，她是否符合條件？周麗淇說：「吓？我好少入廚房，唔識煮餸，如果唔嫌味道唔好，我都會試一試嘅。嗱，我煮四隻上海雲吞加一碗湯咪四餸一湯囉。」
採訪：JessicaNgan
攝影：HoKwokHo
