昨日是李彩華（Rain）的二十二歲生日，其緋聞男友蕭定一亦於同一天生日，兩人前晚便邀約一眾好友齊於某酒吧舉行生日會，剛轉投蕭定一經理人公司的李蘢怡為兩人送上一對情侶酒杯，預祝他們早日結婚，還笑言不擔心會受阿Rain再出碟威脅，她說：「點會呀，佢係老闆娘嚟㗎嘛！」
昨日是Rain的二十二歲生日，原來其緋聞男友蕭定一與阿Rain是同日生日的，所以前晚兩人便在灣仔一間酒吧齊齊慶祝生日，一班圈中好友如李蘢怡（Tiffany）、張衞健、王從希、蔡慧敏及李璨琛等均有出席。當晚壽星女以一襲超低胸紅裙亮相，性感誘人。
自認高攀唔起
阿Rain透露其生日願望是找一位貌似吳彥祖的白馬王子，至於蕭定一則表示希望生意好、身體健康以及感情有着落，他還透露已送了一份實用的禮物給阿Rain。問蕭定一會否與阿Rain發展時，他說：「考慮吓啦，可能我唔符合佢條件，我高攀唔起佢呀！」
不過另一邊廂的阿Rain卻表示未有收到蕭定一所送的禮物，她笑言：「我冇收到佢份禮物喎，佢係咪送咗畀韓國嗰個阿Rain呀！」
「佢係老闆娘」
前晚有份出席派對的Tiffany以一襲黑色低胸透視裙到場，還不小心踢爆蕭定一與阿Rain的親密關係，她說：「我預備咗一對情侶水晶香檳杯送畀佢兩個，預祝佢哋快啲結婚。」記者直指她踢爆兩人關係時，Tiffany即表示自己只是說笑。不過當記者問她會否因阿Rain再次出碟而受威脅時，她就說：「點會呀？佢係老闆娘嚟㗎嘛！」
對於Tiffany踢爆其老闆娘身份，阿Rain說：「我好young咋，有排都未到嗰個level，而且我都高攀唔起阿一（蕭定一）啦！」
採訪：李珮洳
攝影：何榮亮
