最近黃泆潼夥拍樂隊MP4，推出首支單曲《女殺手2005》，首次開腔唱歌，正式成為歌影視三棲藝人。作三方面發展的她，平時就算有多忙，總會跟朋友或家人吃頓飯，訪問之下，縱使最近禽流感滿天飛，但她仍舊最愛食燒雞，滑滑嘅雞髀更加愛不釋手。
記者：梁學文
攝影：伍慶泉
唔介意踎大牌檔
對於食，黃泆潼有她的看法：「我覺得食嘢最緊要係誠意，我所指嘅誠意係出自煮菜嗰個人，試過跟朋友去一家比較高級嘅餐廳食晚飯，飲過湯後已經唔想食，一來個湯放咗好耐，二來我覺得廚師真係無心機煮。其實食飯我唔介意去大牌檔，最重要係食得到廚師嘅誠意。好似呢次推介嘅3間餐廳，我覺得佢哋就真係用心去煮。」
問她喜歡哪間餐廳，她想也不用想就說是九龍塘的Amaroni's。
Amaroni'sLittleItaly每次嚟都好舒服
「我記得初入行時喺電影《一個爛賭的傳說》客串，從此認識到呢間餐廳。舊時做完《歡樂今宵》之後同同事一齊嚟食飯，又試過同媽媽嚟呢度慶祝生日，好開心，重有係呢度嘅裝修，我好鍾意呢一份溫暖嘅感覺，每次嚟感覺都好舒服。」
燒露絲瑪莉雞$140 用香草醃過夜
「最鍾意呢款燒雞，香草味真係唔錯。次次我都會揀雞髀，因為雞髀肉最嫩滑。」燒雞先用香草醃一晚，第二天才燒。
經典薄餅$160
餅底非常薄，入口脆卜卜，上碟前加了香草上面，令薄餅份外清香。餡料有青椒、紅椒和秘製腸肉，加上自製醬汁，少酸有幾分辣。
Amaroni'sLittleItaly（22658818）
地址：九龍塘達之路80號又一城LG1-32
座位：250個
營業時間：11:00am-12:00mn
Oceanna 最新鮮最蠔
黃泆潼愛吃雞也愛吃海鮮，不過她不吃其他肉類，而且「食海鮮最重要係新鮮」，就像吃蠔，她就想到要去專賣蠔的Oceanna，因為在那裏吃蠔最新鮮。黃泆潼站在開放式的蠔吧揀蠔：「我其實唔係幾識揀，不過呢度就有專人介紹。」
各式生蠔$15/隻
生蠔即叫即開，每日都會有8、9款來自不同地方，不同味道的蠔供選擇。正將cocktail汁加在生蠔上面的黃泆潼說：「我本身鍾意食較肥大嘅美國蠔，啖啖肉夠口感。」
各式焗蠔$15/隻 靚到七彩
各式焗蠔用新鮮生蠔做，配上不同的醬汁焗，味道同樣鮮甜味美。黃泆潼最愛就是白酒汁和芝士焗：「用白酒汁焗蠔，可以食到白酒嘅味道。」
士多啤梨拿破崙$52
不但有士多啤梨汁、芒果汁，一層層的酥皮叠起再淋上吉士汁，如多配一杯Espresso或者Lemoncrappe飯後酒，味道會更好。
Oceanna（25063282）
地址：銅鑼灣時代廣場食通天12樓1204室
座位：80個
營業時間：12:00nn-3:00pm、6:00pm-12:00mn
友和 牡丹蝦成呎長
因為拍電視節目，所以認識了這裏，黃泆潼說：「出街食飯時我唔介意有人認得我，不過有時會騷擾到我啲朋友。記得有次食飯，隔籬枱有人認得我，於是成餐飯都對住我哋食，真係好唔自然。所以我會揀啲有廂房嘅餐廳……食日本菜我一定嚟呢度，每間房又有獨立電視，邊食邊睇唔怕悶。」
喜知魚鹽燒 $350-$450
喜知魚味道鮮甜，入口嫩滑，不論怎樣烹調也很鮮嫩。吃了一口後，黃泆潼忍不住大叫：「嘩！呢款魚真係好嫩滑，外形雖然似紅衫魚，不過味道差好遠！」
牡丹蝦刺身$50/隻隻隻70-80克
特大的牡丹蝦，隻隻都差不多有成呎長，每隻也有70-80克重。望住大大隻的牡丹蝦刺身黃泆潼已經流口水：「我每次嚟都會叫呢款牡丹蝦，一來夠份量，二來鍾意食！」
友和（28336339）
地址：灣仔駱克道441號B座地下
座位：100個
營業時間：12:00nn-3:00pm、6:00pm-4:30am
