陳鍵鋒前晚與樂基兒在尖沙嘴為Travelmax時裝店行騷，他們以飛機師及空姐造型登場。問到阿姐汪明荃及郭可盈因角逐台慶最佳女主角獎而掀起連串是非，陳鍵鋒力撐阿姐說：「應該係阿姐攞啦，阿姐咁後生，重有排佢玩，邊使咁早攞『星輝大獎』呀？同阿姐合作過，先知佢真係好有活力，同我哋班後生玩埋一齊，重有阿姐好注重團隊精神，好照顧身邊嘅拍檔。我試過有次開唔到聲，阿姐即刻叫工人㷛開聲茶畀我飲。」
另外，只拍過一套劇《秀才遇著兵》的周麗淇與廖碧兒同時角逐「飛躍進步大獎」，陳鍵鋒則支持廖碧兒說：「佢真係好努力，中文同演技都下過苦功，反而周麗淇只係拍過一套劇，好難睇得出佢點為之進步。」
採訪：林妙萍
攝影：葉君海