禽流感有殺到埋身之勢，大家都有啲驚，防唔到禽流感都希望防流感，但除咗打預防針唔知點做好，做公司HR部門嘅人更加無助。卒之，醫管局郁手喇，各大企業要支援，可以打呢個熱線：23709955。
話說醫管局今日會推出一個「你我同心防流感」行動。佢哋搵咗港台、無綫幫手，協助私人企業對抗流感。點對抗？當然唔係只嗌口號，而係有教材、有支援，培訓企業健康大使，持續將健康訊息帶入民間。聽講佢哋喺星期一先拍板，四五日間博盡搞掂一切；民間反應好熱烈，有超過五十間大企業參加。今日個儀式，胡定旭、梁智鴻、黃譚智媛、曾浩輝都話會到，希望群策群力，殺退啲病毒啦。
傳真︰2623-9278
電郵︰[email protected]