有北京奧運吉祥物嘜頭嘅紀念品聽日先推出市場，但係之前已經有好多人預訂吉祥物嘅金、銀、銅紀念章，最貴重嘅一個紀念金章成五公斤重，賣到成一百零八萬，以重量計比純黃金還要貴八成。不過專家就話，奧運紀念金章包含特許權嘅費用，又用咗特殊鑄造工藝，而且係限量發售，極具收藏價值，售價雖貴仍是物有所值。