TOM在線型男CEO王雷雷昨日南下香港主持Q3業績簡報會，華華見佢塊面尖咗、個小肚腩又唔見埋，於是即刻請教佢有乜減肥心得，點知雷雷話無刻意減肥，重即刻叫華華摸下佢隻冇縮到水嘅「老鼠仔」，唔，依然同以前一樣咁強而有力，整體效果就等如女人瘦身唔瘦胸咁正！佢估計自己輕咗磅係同早前由北京揸車去西藏拉薩有關。
雷雷話鍾意刺激，於是趁假期，聯同一眾男同事合共3部越野車，用咗10日由北京開往拉薩，沿途佢堅持將命運控制喺自己手上（即係唔畀其他人掂個司機位），咁又眼瞓又高山症點頂呢？出名煙癮大嘅佢，當然係靠佢至愛的MS牌嚟醒神啦，咁究竟成車有幾多「糧草」呢？雷雷話自己都唔知，總之係飯可以不吃，煙不能不食，試問咁又點會唔瘦呢！