香港大學首席副校長王于漸近排好勤力，上個月先搞完航空業研討會，近日又搞競爭力研究中心第8屆年會，噚日請咗上海市副市長胡延照同廣東省副秘書長謝鵬飛講當地經濟。
謝秘書長介紹廣東省的快速增長神話，佢話近26年以來廣東省每年平均經濟增長達13.5%，相當於世界經濟行一步廣東省行四步，今年廣東嘅經濟總產值可望達到1800億元人民幣，明年估計可見2萬億元。
佢重話廣東已進入一個新的經濟高速增長期，因為佢哋正逐步轉型，以重型產業為發展主導，大力發展石化、鋼鐵、汽車同核電等大型裝備生產，估計未來10至15年會因此帶動省內經濟保持雙位數字增長。咁廣東好，香港自然受惠，服務業嘅需求將有更大增長。