許志安早前為拍攝台灣劇集《深情密碼》，在台灣、新加坡及青島三地逗留了超過三個月。該劇雖已拍竣，不過安仔又要馬不停蹄為即將推出的精選專輯宣傳，令其放假大計被迫擱置。
安仔說：「本來《深情密碼》預計喺十月尾拍完，所以就計劃去外地旅行唞唞，但後嚟因為拍攝進度延遲咗，咁啱新碟又安排喺呢個時間出，所以惟有一邊去內地同星馬台宣傳，一邊當去旅行啦！」
留住有情人
安仔即將推出的精選專輯共分為粵語及國語兩個版本，安仔還大讚唱片封套拍得漂亮，他說：「其實呢輯相係喺青島拍劇時影嘅，當時見到現場嘅環境好有mood，突然有感而發影嘅，經過呢次之後，我重鍾意咗攝影，如果有時間嘅話，我都想學影相，因為可以將自己心愛嘅人同物件影落嚟留念。」