《蘋果》爭取普選時間表廣告停不了，有肥佬黎墊底，市民對登廣告都好踴躍，加上有專人，即係尊子幫大家做設計師，反應更加熱烈。
市民咁支持，尊子設計意念如潮水湧出，噚日再整多五款新廣告式樣畀大家揀（圖），各有特色，大家啱心水就唔好客氣。
呢五款新廣告，最簡約嘅係一條黑暗「普選」前路，望住前面一片黑麻麻，真係唔多樂觀，另一款最直接，只有幾個字，「給我普選日期，NOW!!」最有諷刺味道嘅係一隻驢仔望住個吊起咗嘅普選紅蘿蔔，有得睇冇得食，十分慘情。港人要喺民主路上「捱騾仔」，民主可望不可即，相信唔少人都好感慨。
傳真︰2623-9278
電郵︰[email protected]
