效力利物浦嘅法國前鋒施斯有鋪錫人癮，鍾意喺換出換入時同隊友錫錫，不過佢話唔會再咁做，費事俾人誤會佢係「基民」。
施斯話錫面喺法國好平常，等同見面打招呼，所以嚟到利物浦照樣咁做。但佢話漸漸發現班英格蘭隊友好抗拒，為避免惹嚟不必要嘅誤會，決定封嘴。之前效力法甲歐塞爾嘅佢話：「我班西班牙隊友都會咁做，但班英格蘭隊友就唔會。可能佢哋唔鍾意，甚至認為我或者係『基民』。」
每個國家有自己嘅文化，既然利物浦班英格蘭仔唔鍾意同男人錫面，施斯咁做都好正確。
話時話，如果換轉喺阿仙奴，相信施斯唔會遇到呢個問題。點解？皆因嗰度除咗多法國同西班牙仔，重有同男人特別老友嘅龍格保同蘇甘保囉。