阿富汗第一家五星級酒店──喀布爾塞雷娜酒店日前開業。開業當日有樂手助興，好多賓客到賀，就連帶病嘅阿富汗總統卡爾紮伊都出席開幕儀式。呢間酒店用兩年半時間興建，總建造費二千六百五十萬美元（約二億五百萬港元）。酒店有一百七十七間客房，房價由二百五十至一千二百美元不等（約二千至九千港元），酒店嘅主要客人係外地遊客、地方高官同外交官員。