金馬獎頒獎禮舉行在即，賽前消息透露，梁家輝今年最有影帝相，有評審認為他在《黑社會》的演出有層次，奪獎呼聲相當高，而影后大熱是《最好的時光》的舒淇。
鼓勵郭富城
梁家輝的對手有《三岔口》的郭富城、《最好的時光》的張震及《抹茶之戀味》的陳坤。導演陳可辛讚梁家輝在電影《黑社會》中演繹出色，他昨日說：「梁家輝做得好，佢演繹方法係誇張手法，但誇張得恰到好處，收放自如。」導演張同祖則說：「家輝喺《黑社會》入面有型有格，佢得係理所當然，但如果我有份投票，我會畀郭富城，因為呢個獎對城城更有鼓勵作用。」
影后方面，舒淇憑《最》片獲提名、與《千杯不醉》的楊千嬅、《天邊一朵雲》的陳湘淇及《面子》的MichelleKrusiec競逐。
「最佳男配角」以王天林為大熱，影評曉龍日前接受訪問時說：「王天林做嘅老叔父好入戲，而佢嘅對手之一嘅黃秋生，喺《頭文字Ｄ》就做得略嫌誇張。」王天林則對得獎沒信心，並笑說：「我做咗咁多年導演，演戲都唔係咁有經驗，所以唔知自己做戲得唔得。」
「最佳女配角」方面，曉龍則看好毛舜筠所演出的《早熟》，他說：「毛舜筠嘅演出好投入，相比起《功夫》嘅元秋、《青春蝴蝶孤戀花》嘅蕭淑慎或《深海》嘅陸弈靜，我係較睇好毛舜筠。」
採訪：陳月媚
