杜琪峯執導的《黑社會》在本屆金馬獎獲得十一項提名，是今次奪得「最佳導演」與「最佳劇情片」的大熱，其次是侯孝賢導演的《最好的時光》。
導演兼編劇鍾繼昌日前在電話中表示：「我覺得杜琪峯今次處理《黑社會》呢部戲好破格，佢用另一個角度去講黑社會狀況，有別於一般腥風血雨的黑社會片，佢部戲嘅張力顯現出導演嘅功力，特別係處理最後一場任達華殺梁家輝嘅一場戲時，佢真係拍出震撼感。」
實至名歸
對於「最佳導演」一項提名中，張同祖最看好是杜琪峯，他表示：「阿杜拍出香港黑幫片的特色，拍攝手法有創意，佢得獎係實至名歸。」
而古天樂亦看好杜琪峯可以得「最佳導演」獎，古仔說：「阿杜拍呢部戲，好明顯各方面都睇出佢嘅拍攝手法好成熟，導演功力更上一層樓。」