郭可盈、黎姿及汪明荃近日為無綫「最佳女主角」獎掀起連串風波，身為男主角獎大熱之一的陳豪亦不禁慨歎，昨日他在將軍澳電視廣播城為《無綫節目巡禮》綵排時，語重心長地說：「有提名都希望攞獎，攞唔到都唔好唔開心，唔可以強求，應該用平常心。我覺得每個人多番少少感激會開心啲，應該有提名都覺得開心，有人投票已經代表得到人認同。」
伍詠薇撐阿姐
而伍詠薇昨日在銅鑼灣出席公開活動時對此說：「可能言語之間有誤會啫，阿姐係前輩，佢喺《我的野蠻奶奶》嘅演出笑位好準，畀全香港市民一個驚喜，阿姐絕對係我心水人選。」
對於可盈指阿姐應攞「星輝大獎」，伍姑娘說：「阿姐嘅身份地位亦可以攞『星輝大獎』，唔好因為年齡數字就扼殺咗，同埋我識嘅可盈唔會咁樣講嘢，可能佢滿心歡喜，佢應該冇心嘅，佢為人好純。」
採訪：梁錦雯
攝影：葉君海