吳君如目前為有線電視主持飲食節目《活得很滋味之昭君出菜》，君如表示甚少於家中下廚，自小對烹飪的興趣亦不大，唯一可以親自煮食宴客的只有鮑魚。原來君如能煮得一手好鮑魚全因一個原因，乃男友陳可辛十分喜歡吃鮑魚。
由吳君如和谷德昭主持的有線節目《活得很滋味之昭君出菜》日前於荃灣錄影，兩人更邀請了兩位所謂的「垃圾朋友」李璨琛和張達明擔任節目嘉賓。雖然該節目主要教觀眾烹飪，但李璨琛和張達明的自我介紹資料顯示二人甚少下廚外，更經常以茶餐廳為三餐食堂，有線有見及此，度出一味「象拔蚌撈公仔麵」，叫二人即席示範。
公仔麵勁難食
吳君如自言甚少下廚，但最拿手乃煮鮑魚，身邊朋友吃過均讚不絕口。問到為何能煮得一手好鮑魚時，君如說：「其實係男朋友陳可辛觸發我去學煮鮑魚，因為佢好鍾意食鮑魚，佢重當涼果咁食。」
雖然君如表示只懂煮鮑魚，但當日亦有烹煮出一味「紅酒燴牛坑腩」，嘉賓李璨琛和張達明均大讚君如的菜式十分好味。相反由兩位九流大廚李璨琛和張達明所煮的「象拔蚌撈公仔麵」，君如吃過後即說︰「好難食呀，我呢生人都好少食咁難食嘅嘢，今日真係好委屈我。」
撲鴿驚禽流感
此外，君如日前到威尼斯拍攝有線旅遊節目《活得很滋味》，遊覽當地的聖馬可廣場，能夠與過百隻白鴿零距離接觸，令君如最難忘，她說：「個導演要我懶有mood咁撲向啲白鴿，拍令啲白鴿飛起嗰個場面，其實拍嗰時啲驚驚哋。不過當時禽流感未咁勁，我就惟有頂硬上，如果𠵱家要拍，我就未必肯。」
採訪、攝影：王崇穎
