李璨琛和楊愛瑾（Miki）前晚以《b420》的男女主角身份，出席朗豪坊舉行的「國際電影精華遊」啟動儀式，Miki在戲中演一位充滿好奇心的少女，還獻身予李璨琛，早前兩人接受訪問時，李璨琛表示戲中慘被Miki用酒樽扑頭，打得他頭暈暈。
楊愛瑾（Miki）與李璨琛合演電影《b420》，故事描寫Miki是一個充滿好奇心而愛冒險的女子，故事內容亦牽涉到性方面。日前Miki接受訪問時表示角色人物與自己的性格帶點相似，又坦言以前確實對性問題感到好奇，Miki說：「我讀書時就係選修理科，因為想讀生物科，上堂講到男女性器官就特別留心聽書，我覺得咁係好事，做女仔起碼唔會蝕底。」
目標攞女主角獎
影片拍攝之時，Miki還未夠二十歲，她說：「做娛樂圈真係大得好快，更令我學識珍惜現在，我好有人生目標，亦好遠大，我最想係攞一個電影女主角獎，講出嚟自己都覺得好尷尬，拍到代表作都係我其中一個目標。」
做導演先拍短片
戲中她與李璨琛的關係帶點曖昧，有發生性關係，不過床上戲就欠奉，Miki說：「鏡頭一講就話我起咗身，然後就向住李璨琛個頭爆樽，咁大個女第一次爆樽，因為套戲冇成本，只得一個糖膠玻璃樽，如果NG，就要用真玻璃樽扑佢，所以壓力好大，好彩都一take過搞掂。」
李璨琛形容Miki爆樽時心狠手辣，他說：「佢真係毫不留情，狠狠地扑落嚟，個樽俾佢扑到粉碎，嗰一吓真係頭暈暈，不過Miki做得好好，起碼唔使NG，搞到要出真酒樽。」
此外，李璨琛和Miki前晚以獨立電影《b420》的男女主角身份，出席朗豪坊舉行的「國際電影精華遊」啟動儀式，李璨琛表示有意自資做導演拍獨立電影，不過要先儲夠錢，還會拍十多分鐘的短片當做起跑點。
