喺人氣韓劇《大長今》裏面扮「小長今」嘅韓國小演員趙廷恩，下星期會嚟香港，馮仁昭八到佢今次為咗準備遲啲同中日混血童星原島大地合作，拍漢文化電影嘅新片《超班寶寶》。
單親家庭長大
呢套新片最快月底就開工，查傳誼會身兼監製同導演，劇情講述「小長今」喺一個單親家庭長大，佢同老竇林家棟係兩父女，而原島大地因為食咗基因改造嘅食物，智商變得好高，基因改造食物嘅生產商田蕊妮見到原島大地咁成功，就不停要求佢幫手試新產品，於是原島大地變咗白老鼠。一次機緣巧合，「小長今」同原島大地成為好朋友。
呢套戲洋溢濃烈嘅親情同友情，都好感人。「小長今」呢次嚟香港拍戲，大約會逗留一個月，到時佢媽咪都會陪埋一齊嚟，方便照顧佢嘛。
