陳小春昨日現身RoadShow《紅人館》錄影廠，擔任嘉賓主持，並邀請好友杜汶澤與谷德昭暢談唱片工作，可惜兩人屢次將話題拉到電影上，令小春十分無奈。
批寫歌類同
陳小春將推出新曲加精選大碟，問他為何事隔年半才出碟？小春說：「要遇到好聽嘅歌先得，其實作曲作詞人應該留手，唔好一次過應市場寫晒同類型嘅歌，咁樣反而會影響市場。等如導演一晚寫好故事大綱，咁點會好睇？」
對於IFPI擬降金唱片資格，小春斬釘截鐵說：「我覺得應該取消，邊有人睇呢個指標做音樂，𠵱家連市場都唔重視呢件事，畀晒啲注視喺幾個大頒獎禮度。拎到白金唱片或金唱片，又唔係代表你今年好威好犀利，不過可能有人覺得多個獎，有好過冇。」
小春還提議大家應該將資源轉放在表揚幕後工作者。
採訪、攝影：馬建華