張文慈（Pinky）在亞視新劇《情陷夜中環》中飾演一名OL，為了上位不擇手段，更當上謝賢（四哥）的情婦。Pinky與四哥合作後，十分欣賞對方，更向四哥討教虜男秘訣，獲益良多。
張文慈近日為亞視新劇《情陷夜中環》趕戲，這套劇將於本月底推出。Pinky在劇中扮演一名為名利不擇手段的ＯＬ，她表示因為過份投入角色，連性格都被影響了。
鱷魚頭老襯底
Pinky在劇中飾演謝賢的情婦，她說：「我好鍾意呢個角色，畀到我好大發揮，好多內心戲。我呢次尤其多謝四哥，佢真係好戲，好多場面係佢帶我入戲。」Pinky表示自己的樣貌和性格其實並不配合，她說：「好多時人哋見我個樣好醒咁，其實我好蠢吓，又唔夠積極。不過演咗呢個角色，我都學咗唔少嘢，我覺得做人要識得把握機會。」
潛心修煉媚功
Pinky接觸四哥後，很欣賞他的風趣幽默性格，問到可會視四哥為擇偶對象之一時，Pinky說：「咁又唔會，因為四哥已經有一個要好嘅女朋友，佢份人好專一，我覺得世上唔可能再搵同四哥一模一樣嘅男人。四哥閱歷好深，有時都會請教佢嘅做人道理，問佢女人係咪媚啲先冧到男人，好似套戲嘅角色一樣。」Pinky表示從劇裏的角色中，學會一些媚態，以中和本身男仔頭爽朗的性格。
採訪：比華利
攝影：林德雄
服裝：Morgan
髮型、化妝：DorisMak
