谷祖琳前晚在中環性感演出香水眼鏡騷,她指這已是性感極限,再露便要露點。不過如果有好導演、對手及劇本,谷祖琳不排除肯露點演出,若對手是靚仔吳彥祖,必定更易投入。
谷祖琳前晚在中環IFCRobertoCavalli新店演出香水眼鏡騷,她真空上陣,穿性感低胸露背裝示人,原本亦有份演出的陳慧珊因病缺席,順理成章讓谷祖琳成為焦點。
互摸調情
谷祖琳開場和壓軸都穿上性感服裝,問她其中一套是否原本屬陳慧珊所穿?她說:「唔係,我試衫時都係試着呢兩件。」被問到與男模做出互摸調情動作,有何感受?谷祖琳說:「我覺得冇乜問題,都係咁上下啫,咁呢隻香水個mood係講男歡女愛㗎嘛。」問谷祖琳有沒有膽量行泳衣騷?她說:「都冇人搵我,有人搵,我接受得到㗎,我又唔會因為着少啲就加價嘅。」
鍾情靚仔
問谷祖琳的性感尺度是怎樣?她說:「今日都打開晒啦,再露就露點㗎啦。」會否考慮露點演出?谷祖琳說:「咁要睇邊個導演、對手同劇本係點樣啦。」
圈中男演員中,誰會令她願意露點?谷祖琳說:「咁靚仔就梗好啲啦,起碼容易投入啲,好似吳彥祖咁啦。」此外,谷德昭專程現身捧姪女場,谷祖琳說:「我好意外佢嚟睇我做騷呀。」
採訪:DebbieLum
攝影:WilliamHo