鄭中基（Ronald）（左二）日前俾本報影到同紋身女（左一）、司機同髮型師喺灣仔食飯，Ronald噚日同馮仁昭通電，佢話個女仔係髮型師嘅女友，當晚髮型師做完嘢叫埋女友一齊食飯。飲飽食醉後，Ronald就由司機車返屋企，佢話髮型師就同女友一齊走。Ronald話𠵱家準備拍陳可辛監製嗰套麥兜電影，重要搞國語碟同演唱會，要專注工作喎。