陳敏之在新劇《強劍江湖》中飾演一名武功高強的女魔頭，早前她拜師練劍時，由於反應較慢而被道具劍多番擊中，令一雙長腿慘變瘀黑豬蹄，她更向同劇的黃宗澤和廖碧兒等備案，擔心拍打戲時會殃及池魚。
陳敏之近期正拍攝古裝劇《強劍江湖》，她在劇中飾演一名武功高強的邪教教主，為配合角色，早前無綫特安排她上堂，隨武師練刀劍，但畢竟陳敏之非打女出身，故在練習期間與武師對打時，因反應未夠快而中招，慘被道具劍數度擊中小腿，雙腿一塊黑一塊青，有如瘀黑豬蹄一樣。
左右腳不分
日前陳敏之在電話中說：「嗰日同武師練習時，我應該遞起左腳，點知就遞錯咗右腳，咁就被道具劍劈中，我記得上身動作就記唔到下身，其實我覺得自己拍打戲OK，淨係反應未夠快，𠵱家真係有姿勢冇實際。」
陳敏之在劇中與黃宗澤和廖碧兒有連場對打戲，未知會否擔心誤傷別人？她便說：「我報定案，同佢哋講唔好意思，可能大家會整傷，佢哋就話驚冇咗條命，都係講吓笑啫，我會進步㗎嘛。」
黐暖包開工
陳敏之表示自上次受傷後已學精，她說：「上次我冇喺身上加pad，𠵱家會裝晒腰封、腳pad，咁又就嚟到冬天，天氣都凍啦，我會喺身上面黐埋暖包，做好安全措施。」
採訪：朱倬誼
攝影：陳慧安
服裝、頭鏈、場地：SistyrMoon
