掌管香港事務嘅國家副總理曾慶紅，佢位夫人王鳳清女士將於12月5日訪港。曾夫人同國家主席或總理夫人唔同，並唔係做跟得夫人跟住老公到處出訪外遊，而係自己有公事在身，以中國認證認可協會主席身份，應香港品質保證局邀請，出席下月的研討會做主禮嘉賓。佢係一位現代女性，有自己嘅事業。
當日嘅演講題目係「CEPA與認證認可制度」，相信係向港商介紹利用CEPA進軍國內嘅貨品，最好有品質認證配合。如果大家想向中央表達或反映吓對香港嘅睇法意見，今次機會都可以算係一條特殊捷徑。
研討會喺九龍灣展貿舉行，會員免費，公眾收費600蚊，大會會講及一啲熱門話題，包括企業管治、企業社會責任、環保、創新等。