今日足智彩無波玩，聽日都只係得一場法甲聯補賽及一場英甲波進行，要「瞭望」都只係得周末國際賽；但目前時間尚早，留番聽日早飛推介講就重實在啲。好似荷蘭國家隊咁，突然又話傷咗中場尹邦美，呢啲軍情真係瞬息萬變，比賽前幾日真係好難「瞭望」到啲咩。
足智彩初盤亦未到手，外圍各場盤口當然一早出咗，都係好似往常國際賽期咁，各場賽事和波嗰瓣偏熱，尤其係友賽。
或者可以講吓今周末投注概念，事實上呢一輪友賽，比較多見到同級球隊「拍跳」，好似阿根廷同英格蘭、荷蘭同意大利、法國同德國等，出現全和戰果都唔奇。無嘢好得過用和波吓吓有三倍左右嘅分頭，三串四過關，中兩關就有唔止本錢嘅兩倍利潤。
都係驚唔夠穩陣的話，亦可以揀番三幾場「雙數」過關。山大斬埋有柴，過得三關又有成五至六倍回報，好過揀主客和啦。
文：華度